विप्लव समूह र प्रहरीबीच दोहोरो गोली हानाहान

काठमाडौं ।

संखुवासभाको चैनपुरमा विप्लव समूह र प्रहरीबीच दोहोरो गोली हानाहान भएको छ ।

चैनपुर–४ मैदानेमा विप्लव समूहका कार्यकर्ताले प्रहरीलाई लक्षित गरेर फायरिङ गरेपछि जवाफी फायरिङ गरेको जिल्ला प्रहरी कार्यालय संखुवासभाका प्रहरी नायव उपरिक्षक नवराज मल्लले जानकारी दिए ।

यस पहिले मंसिर र २०७६ असारमा पनि चैनपुरमा विप्लव समूहले गोली चलाएको थियो ।

डिएसपी मल्लकाअनुसार विप्लव समूहका कार्यकर्ताले ५ राउण्ड गोली चलाएका छन् । प्रहरीले करिब २० राउण्ड फायर गरेको छ ।

विप्लव समूहका कार्यकता जम्मा भएको सूचना पछि जनपथ प्रहरी र शशस्त्र प्रहरी त्यहा पुगेको थियो । प्रहरी आएको थाहापाए पछि फायर गदै भागेको प्रहरीले बताएको छ ।