बुटवल ।
नेपाल कम्युनिष्ट पार्टी नेकपा प्रचण्ड–माधव समूहका नेता घनश्याम भुसालले प्रतिनिधिसभा तुरुन्त पुनर्स्थापनामा जोड दिएका छन् ।
प्रतिनिधिसभा विघटनको निर्णय संविधान, र जनचाहना विपरित भएकाले पुनर्स्थापनाको विकल्प नभएको भुषालले बताए ।
रुपन्देहीको तिलोत्तमामा पुष्पलाल मित्रता केन्द्रले आयोजन आइतबार आयोजना गरेको पत्रकार भेटघाटमा नेता भुसालले विश्वको इतिहासमा अदालतले संसद विघटनलाई सदर नगरेको बताए ।
प्रतिनिधिसभा पुनर्स्थापना नभए संविधानको उल्लंघन सुरु हुने र मुलुकमा अस्थिरता निम्तिने उनको धारणा छ ।
संसद विघटन गर्ने निर्णयले नेपाली जनताले ५० वर्षदेखि चाहेको समृद्धिको आकांक्षा तुहाएको र अस्थिरतालाई बल पुगेको उनले बताए ।
नेता भुषालले कार्यकारीले गल्ती गर्दा अदालत जाने हो, नत्र किन अदालत चाइयो । यदि अदालतले गरेन भने जनताको आन्दोलन र विद्रोहले संसद पुनर्स्थापना भएरै छाड्छ ।
Discussion about this post