पोखरा ।
प्रधानमन्त्री केपी शर्मा ओलीले संसद विघटन गरे लगत्तै विरोध गरेका प्रभु साह एकाएक मन्त्री नियुक्ति भएका छन् ।
संसद विघटन गर्नु आत्मघाती एवं आपत्तिजनक भनेका साह मन्त्रीमा कुरा मिले पछि ओली समूहमा मात्र लागेनन् महत्वपूर्ण मन्त्रालयको जिम्मेवारी समेत पाए ।
पुस ५ गते ओलले संसद भंग गर्ने निर्णय पछि साहले संविधानको मुलमर्म र जनादेश विपरीतको कार्य भन्दै यस्तो लेखेका छन् :
साह मन्त्री बनेपछी राजनितिमा पदका लागि जे गर्न पनि नेताहरु तयार हुन्छन् भन्ने पुष्टि भएको छ । सामाजिक संजालमा अहिले साहको चर्चा छ । एक रातमा प्रचण्ड खेमाबाट ओली खेमामा देखा परे साहले सहरी विकास मन्त्री बनेका छन् ।
प्रचण्ड–माधव समूहले माधव नेपाललाई अध्यक्षमा चयन गरे पछि उनले विरोध जनाउदै विज्ञप्ती निकालेका थिए ।
उनले देश र जनतालाई घात गर्ने दुई अध्यक्षीय प्रणाली अस्वीकार गरी सही नेतृत्व प्रणालीको स्थापनाका लागि अनुरोध समेत गरेका थिए ।
उनको त्यो आग्रहलाई तत्काल सम्बोधन गर्न नसकिने जवाफ पार्टीले दिए पछि साह यू–टर्न भएका थिए । साहाको विज्ञप्ती यस्तो छ :
यस पहिलेनै उनको माधवकुमार नेपाल संग दुरी बढेको थियो । नेपालसंग राम्रो सम्बन्ध नहुनु उनको कुरा समूहमा नसुनिनु र गतिलो मन्त्रालयमा मन्त्री हुने मौका उनलाई प्रचण्डलाई छोड्न अवसर बन्न पुग्यो ।
यस पहिले पनि उनि मन्त्रीको आकांक्षा राख्दै आएका थिए तर उनि प्रचण्डको सिफारिसमा परेका थिएनन् ।
नेकपा दुइ समूहमा विभाजित भएपछि पूर्वमाओवादी साहसँगै रामबहादुर थापा, टोपबहादुर रायमाझी, लेखराज भट्ट, मणि थापा, दावा लामालगायत नेता ओलीतिर लागेका छन् ।
ओलीले शुक्रबार गरेको मन्त्रिपरिषद् पुनर्गठन गर्दा पूर्वमाओवादी पृष्ठभूमिका नेतालाई नै प्राथमिकता दिएका छन् ।
Discussion about this post