पोखरा ।
नेपाल कम्युनिष्ट पार्टी प्रचण्ड–माधव समुहको केन्द्रीय समिति बैठकले आन्दोलनको घोषणा गरेको छ ।
उक्त समूहका प्रवक्ता नारायणकाजी श्रेष्ठले १० गते देखि २५ गतेसम्मका लागि आन्दोलनका कार्यक्रम घोषणा गरेको जानकारी दिए ।
आन्दोलनको पहिलो दिन पुस १० गते प्रचण्ड–नेपाल पक्षका सबै केन्द्रीय कमिटी सदस्य माइतीघरमण्डलामा उपस्थित हुने र प्रदर्शन गर्ने कार्यक्रम रहेको श्रेष्ठले बताए ।
सोही दिन निर्वाचन आयोगमा जाने तय भएको छ भने शुक्रबार नै २ बजे पत्रकार सम्मेलन आयोजना गरेको छ ।
यस्तै ११ गते सातै प्रदेशका कमिटीको बैठक आयोजना गर्ने, १२ गते ७७ जिल्लामा जिल्लास्तरीय भेला, १४ गते राजधानी र सबै जिल्लामा विरोध प्रदर्शन आयोजना गरिएको छ ।
यस्तै पुस २० गतेसम्म सबै नगर, गाउँपालिकामा पार्टीको बैठक र भेला हुनेछ भने २५ गतेसम्म सबै वडास्तरमा पार्टीका बैठक र भेला आयोजना हुनेछन् ।
प्रचण्ड–माधव समूहले दोस्रो चरणमा अझै सशक्त र नेपाल बन्दसम्मका कार्यक्रम गर्ने छ ।
प्रवक्ता नारायणकाजी श्रेष्ठको संयोजकत्वमा १००१ सदस्यीय आन्दोलन परिचालन समिति गठनको प्रस्ताव गरिएको छ ।
प्रतिक्रिया लेख्नुहोस् :