पोखरा ।
नेलम्बो नेपालले कोभिड–१९ को संक्रमणबाट बच्न सामुदायीक विद्यालयलाई स्वास्थ्य सामाग्री वितरण गरेको छ ।
पोखरा महानगर २७ र ३१ रहेका क्रमस कवि शिरोमणी लेखनाथ आधारभुत विद्यालय र अमरसिद्ध नमुना माविलाई स्वास्थ्य सामाग्री प्रदान गरेको हो ।
पोखरा महानगर–२७ का अध्यक्ष पूर्णकुमार गुरुङको प्रमुख आतिथ्यता रहेको कार्यक्रममा नेलम्बो नेपालका अध्यक्ष एकदेव देवकोटाले लेखनाथ आधारभुत विद्यालय व्यवस्थापन समितिका अध्यक्ष ज्ञानेन्द्र पौडेललाई स्वास्थ्य सामाग्री हस्तान्तरण गरे ।
कार्यक्रममा बोल्दै वडाध्यक्ष गुरुङले कोरोना भाइरसका विरुद्ध सचेतना अपनाउदै पठनपाठनलाई निरन्तरता दिनुपर्ने बताए । पठनपाठनलाई चुस्तादुरुस्त राख्न शिक्षकहरुले बढि ध्यान दिनुपर्ने गुरुङले बताए ।
विद्यालय व्यवस्थापन समितिका अध्यक्ष ज्ञानेन्द्र पौडेलले कोरोना महामारिले विद्यालय संचालन गर्न कठिन भइरहेको अवस्थामा नेलम्बोको सहयोगले विद्यालय संचालनमा टेवा पुग्ने बताए ।
सरकारले विद्यालय खोल्न भने पनि स्वास्थ्य सामाग्री नदिएको पौडेलले गुनासो गरे ।
यस्तै वडानम्बर ३१ का वडाध्यक्ष कमलबहादुर थापाको प्रमुख आतिथ्यतामा भएको कार्यक्रममा नेलम्बोका अध्यक्ष देवकोटाले अमरसिद्ध मावि विद्यालय व्यवस्थापन समितिका अध्यक्ष शंकरनाथ पौडेललाई स्वास्थ्य सामाग्री हस्तान्तरण गरे ।
स्वास्थ्य सामाग्री हस्तान्तरण कार्यक्रममा बोल्दै थापाले कोरोन महामारिको अवस्थामा प्राप्त स्वास्थ्य सामाग्रीले कोरोनाभाइरस संक्रमण नियन्त्रण गर्न आत्मबल बढेको बताए ।
विद्यालय व्यवस्थापन समितिका अध्यक्ष पौडेलले कोरोना भाइरसका कारण अवरुद्ध बनेको पठनपाठनलाई निरन्तरता दिन नेलम्बको सहयोग महत्वपूर्ण हुने बताए । पौडेलले सामुदायीक विद्यालयको विकासमा सरकारले प्रयाप्त सहयोग नगरेको गुनासो गरे ।
विद्यालयका प्रधानाध्यापक विष्णुप्रसाद पौडेलले विषम परिस्थितिमा स्वास्थ्य सामाग्री सहयोग गरेको भन्दै नेलम्बो नेपाललाई धन्यवाद दिए ।
पौडेलले कारोनाभाइरस महामारिको संक्रमणकालिन अवस्थामा विद्यालयलाई स्वास्थ्य सामाग्री प्रदान गरेर नेलम्बोले सुरक्षित भएर अध्यन अध्यापन गर्ने वातावरण सृजना गरेको बताए ।
नेलम्बो नेपालका अध्यक्ष एकदेव देवकोटाले सरकारको सहयोगिको रुपमा आफुहरुले काम गदै आएको बताए ।
सरकारले शैक्षिक संस्था संचालन गर्न अनुमति दिएसगै नेलम्बोले विद्यालयमा स्वास्थ्य सामाग्री वितरण गर्न सुरु गरेको देवकोटाले जानकारी दिए ।
यस पहिले पनि नेलम्बोले कास्कीका माछापुच्छ्रे, अन्नपूर्ण गाउँपालिका र पोखरा महानगरका सामुदायीक विद्यालय र स्वास्थ्य संस्थालाई स्वास्थ्य सामाग्री वितरण गरिसकेको छ ।
प्रतिक्रिया लेख्नुहोस् :