गण्डकीका ३८ स्थानीय तहसंग भूमि सम्बन्धी समस्या समाधान आयोगको सम्झौता

पोखरा, २७मंसिर

गण्डकी प्रदेशका ३८ वटा स्थानीय तहले भूमि सम्बन्धी समस्या समाधान आयोगसँग भूमि सम्बन्धी समस्या समाधान गर्ने समझदारी पत्रमा हस्ताक्षर गरेका छन् । पोखरामा शनिबार अन्र्तक्रिया सहितको कार्यक्रममा ती स्थानीय तहले सझदारी पत्रमा हस्ताक्षर गरेका हुन्

भूमिहिनको समस्या बढी भएका स्थानीय तहसँग समझदारी गरिएको आयोगका अध्यक्ष देवीप्रसाद ज्ञवालीले जानकारी दिए ।

उनका अनुसार देशभरका १८७ वटा स्थानिय तहसँग समझदारी पत्रमा हस्ताक्षर गर्ने लक्ष्य अनुरुप हालसम्म प्रदेश १, २, बागमती प्रदेश र गण्डकी प्रदेशसँग गरेर १ सय वटा स्थानिय तहसँग सम्झौता भइसकेको बताए ।

उनका अनुसार अब ५ नम्बर प्रदेश, कर्णाली र सुदुरपश्चिम प्रदेशसँगपनि पुस २ गतेसम्ममा सम्झौता पत्रमा हस्ताक्षर गरिसक्ने बताए ।

अध्यक्ष ज्ञवालीले विगतका आयोग र अहिलेको आयोग गठनको आधार नै फरक रहेकाले समयमै काम सक्ने प्रतिवबद्धता जनाए । सबै स्थानीय तहले स्थानीय स्तरमा अन्र्तक्रिया गर्ने, लगत संकलन गर्ने र वास्तविकता छिट्टै आयोग समक्ष पठाउन उनले आग्रह गरे ।