शिक्षण संस्था र वडाहरुमा नेलम्बोको सहयोग निरन्तर

पोखरा ।
नेलम्बो नेपालले कास्कीका विभिन्न विद्यालयहरुलाई कोभिड १९ को रोकथाम, नियन्त्रण र सचेतनाको लागि स्वास्थ्य सुरक्षा सामग्री वितरणको कार्यलाई निरन्तरता दिइरहेको छ । आइतबार एक कार्यक्रमका बीच माछापुच्छे« –७ धम्पुस खानिगाऊँमाको जनप्रिय आधारभूत विद्यालय र पोखरा माहानगर पालिका वडा नं. २४ कास्कीकोटलाई स्वास्थ्य सुरक्षाका सामग्री हस्तान्तरण गरेको छ ।

माछापुच्छे« गाउँपालिका वडा नं. ७ धम्पुस खानिगाऊँमा रहेको जनप्रिय आधारभूत विद्यालयलाई कोभिड १९ को विषम् परिस्थितिमा पनि विद्यालय सञ्चालन गर्न, सेनिटाइजर, स्प्रे बोतल, फेस सिल्ड, हात धुने साबुन, डिस्पोजिवल ग्लोबस्, पकेट सेनिटाइजर, थर्मल गन डिउरा सेल ब्याट्री लगाएतका स्वास्थ्य सुरक्षाका समग्रीहरु नेलम्बो नेपालले प्रदान गरेको छ । नेलम्बोका अध्यक्ष एकदेव देवकोटा र कार्यक्रम संयोजक डा. किसन कोइरालाले विद्यालय व्यवस्थापन समितिका निवर्तमान अध्यक्ष आश बहादुर विक र प्रधानाध्यापक चुडामणि भण्डारीलाई ती स्वास्थ्य सामग्री हस्तान्तरण गरेका हुन् ।

हस्तान्तरण कार्यक्रममा बोल्दै देवकोटाले उपलब्ध स्वास्थ्य सावधानीका सामग्रीहरुको सही सदुपयोग गर्न आग्रह गरे । नेलम्बो नेपालको कार्य क्षेत्र रहेको उक्त वडामा सहयोग गर्न पाउँदा आफु निकै खुशी रहेको र स्थानीय निकाय, विद्यालय परिवार र समुदाय सक्रिय भई सहकार्य गरेको खण्डमा भविष्यमा सहकार्य गरी थप कार्य गर्न पनि इच्छुक रहेको उनले बताए । नेलम्बो नेपालको उद्देश्य पनि सक्रिय सहभागिता, पिछडीएको समुदाय, र विपन्न वर्गलाई नै सहयोग गर्ने रहेको रहेको उनले जानकारी दिए ।

उक्त स्वास्थ्य सामग्री ग्रहण गरी धन्यवाद दिँदै विद्यालय व्यवस्थापन समितिका निवर्तमान अध्यक्ष आशबहादुर विकले नेलम्बो नेपालले आफुले सोचे भन्दा पनि राम्रो किसिमका स्वास्थ्य सुरक्षाका सामग्रीहरु उपलब्ध गराएको भन्दै धन्यवाद प्रकट गरे ।
नेलम्बो नेपालले पोखरा वडा नं. २४ कास्कीकोटमा पनि डिस्पोजिवल माक्स, के.एन ९५ माक्स, सेनिटाइजर, हेण्ड फ्रि सेनिटायजर स्ट्याड, फेस सिल्ड, हात धुने साबुन, डिस्पोजिवल ग्लोब्स, थर्मल गन, डिउरासेल ब्याट्री लगाएतका स्वास्थ्य सुरक्षाका सामग्रीहरु हस्तान्तरण गरेको हो ।

अध्यक्ष देवकोटा र कार्यक्रम संयोजक डा. कोइराले वडा सचिव कुश्मराज सुवेदीलाई ती सामग्री हस्तान्तरण गरेका हुन् । वडा सचिव कुस्मराज सुवेदीले नेलम्बो नेपालले आफ्नै कार्यालयको प्राङ्गणमा आएर सामग्री प्रदान गरेको भन्दौ खुशी व्यक्त गरे । उनले उपलब्ध स्वास्थ्य सामग्रीको सही सदुपयोग गरि प्रयोग गर्ने जानकारी दिए ।

जनप्रिय आधारभूत विद्यालय धम्पुसमा १२ हजार ४९० र पोखरा महानगर पालिका वडा नं. २४ कास्कीकोटलाई २५ हजार ७९० रुपैयाँ बराबरको स्वास्थ्य सुरक्षाका सामाग्री प्रदान गरेको नेलम्बो नेपालका जन सम्र्पक अधिकृत भीम प्रसाद भण्डारीले जानकारी दिए ।