पोखरा ।
नेपाल कम्युनिष्ट पार्टी नेकपाका नेता एवं पूर्वमन्त्री खगराज अधिकारीले टाउको फोराफोर गरेपनि नेकपा एकता जोगिनुपर्नेमा जोड दिएका छन् । जनादेश र लाखौं कार्यकर्ताको भावना विपरित पार्टी विभाजन हुन नसक्ने उनले बताए । नेता अधिकारीले सचिवालयले दुई अध्यक्षको विवादलाई मिलाउन नसकेको भन्दै आक्रोस समेत पोखे ।
प्रधानमन्त्री, तीन पूर्वप्रधानमन्त्री एक उपप्रधानमन्त्री, दुई पूर्व उपप्रधानमन्त्री र दुई जना वर्तमान सरकारकै वरिष्ट मन्त्री सहभागि रहेको पार्टीको केन्द्रीय सचिवालयलाई असक्षम रहेको टिप्पणी गरेका छन् ।
प्रधानमन्त्री एवं पार्टी अध्यक्ष केपी शर्मा ओली, अर्का अध्यक्ष एवं पूर्व प्रधानमन्त्री प्रचण्ड, दुई पूर्वप्रधानमन्त्री एवं पूर्व पार्टी नेतृत्वकर्ता झलानाथ खनाल र माधव नेपाल, पूर्व उपप्रधानमन्त्री एवं उपाध्यक्ष बामदेव गौतम, उपप्रधानमन्त्री इस्वर पोखरेल, पूर्व उपप्रधानमन्त्री नारायाणकाजी श्रेष्ठ, वर्तमान अर्थमन्त्री विष्णु पौडेल र गृहमन्त्री रामबहादुर थापा सचिवालयमा छन् ।
संघीय सांसद समेत रहेको नेता अधिकारीले आइतबार आफू निर्वाचित कास्की निर्वाचन क्षेत्र नम्बर १मा स्थानीय पूर्वाधार विकास साझेदारी कार्यक्रम अन्तर्गत छनोट भएका योजना सार्वजनिक गर्न आयोजित पत्रकार भेटघाट कार्यक्रममा यस्तो टिप्पणी गरेका हुन् ।
पार्टी अध्यक्ष एवं प्रधानमन्त्री केपी शर्मा ओली र अर्का अध्यक्ष प्रचण्डको प्रस्तावको छिनोफानो गर्न नसकेर सचिवालयले आफ्नो असक्षमता प्रदर्शन गरेको उनको भनाई थियो । अब सचिवालयले नै सबैकुरा मिलाउने उनले धारणा राखे । केन्द्रीय कमिटीसम्म विवाद आउने कल्पना आफूले नगरेको उनले सुनाए ।
पार्टीमा देखिएका विवादलाई तलसम्म नै लागिएका भन्दै उनले यि सबैकाम हुन नहुने काम भनेका छन् । प्रधानमन्त्री केपी शर्मा ओली पक्षधर नेता अधिकारीले प्रचण्ड–नेपाल पक्षले तलसम्म गुटगत भेला गरेको आरोप पनि लागाए ।
आफूहरुको तर्फबाट समेत त्यस्ता भेला भएका उनले स्विकार गरेका छन् । ‘उहाँहरु(प्रचण्ड–नेपाल पक्ष)ले तलसम्म नै गुटगत भेलाहरु गरिरहनु नै भएको छ । हाम्रा तर्फबाट पनि केही हदसम्म त्यस्ता भेलाहरु भएका होलान ।’ उलने भने, ‘यस्तो काम गर्नु हुँदैनथ्यो, रोकिनुपर्दछ ।’
प्रतिक्रिया लेख्नुहोस् :