तनहुँ ।
प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेलले सरकारले शक्तिको दुरुपयोग गरेको टिप्पणी गरेका छन् । बुधबार साँझ जिल्ला प्रहरी कार्यालय तनहुँले रिहा गरेपछि उनले यस्तो टिप्पणी गरेका हुन् । बुधबार
पौडेललाई तनहुँको व्यास नगरपालिका वडा नम्बर १ तालघरेबाट दिउँसो निषेधाज्ञा तोडेर पुल उद्घाटन गर्न गएको भन्दै प्रहरीले नियन्त्रणमा लिएको थियो।रिहा भएपछि कोणसभामा बोल्दै वरिष्ट नेता पौडेलले बिहीबार बिहान पुल उद्घाटन गरिने जानकारी गराएका छन्।
पौडेल पक्राउ परेकोमा सभापति शेरबहादुर देउवाले प्रधानमन्त्री केपी शर्मा ओलीलाई फोन गरेर तत्काल रिहाइ गर्न भनेका थिए। पौडेल पक्राउ परेकोमा कांग्रेस र जनता समाजवादी पार्टीका संघीय परिषद अध्यक्ष बाबुराम भट्टराईले विरोध गरेका थिए।
नेकपा कार्यकर्ताले पौडेलबाट पुललगायत संरचना उद्घाटन गर्न नहुने भन्दै बुधबार बिहान प्रदर्शन र नाराबाजी गरेका थिए। नेकपाका पाँच कार्यकर्तालाई पनि प्रहरीले नियन्त्रणमा लिएको थियो।
प्रतिक्रिया लेख्नुहोस् :