वालिङका मेयर खाँडलाई मातृशोक

पोखरा ।
वालिङ नगरपालिकाका मेयर दिलीप प्रताप खाँडलाई मातृशोक परेको छ । नगर प्रमुख खाँणकी आमा फूलकुमारी खाँणको ८६ बर्षको उमेरमा मंगलबार साँझ निधन भएको परिवारले जनाएको छ ।

×

स्वर्गीय फूलकुमारी खाँणका पति स्वर्गीय यम बहादुर खाँण बिक्रम सम्वत २०१५ सालमा सांसद बनेका थिए । खाँण परिवार ग्रह्रौकोट राजखानदान अन्तरगतको परिवार हो ।

स्वर्गीय खाँडका ५ छोरा तथा १ छोरी मध्ये दुई छोराको यस अघि नै निधन भइसकेको छ । स्वर्गीय खाँणको बुधबार बिहान रामनदीधाम राम्दीमा अन्तिम संस्कार गरिने परिवारका सदस्य एबं समाजसेवी बिष्णु प्रताप खाँणले जानकारी दिए ।

खाँडको निधन प्रति नेपाली कांग्रेसका सभापति शेरबहादुर देउवा, संगठन विभाग प्रमुख गोपालमान श्रेष्ठ सहित विभिन्न नेताहरुले दु:ख व्यक्त गर्दै श्रद्धाञ्जली सहित मेयर दिलीप प्रताप खाँड र परिवारजनमा समवेदना प्रकट गरेका छन् ।