पोखारा-१८ र माछापुच्छ्रेको सार्दीखोला स्वास्थ्य चौकीमा नेलम्बोको सहयोग

पोखरा । नेलम्बो नेपालले बुधबार छुट्टा छुट्टै कार्यक्रम मार्फत पोखरा महानगरपालीका वडा नं. १८ सरांकोट र माछापुच्छ्रे गाउँपालिका वडा नं. २ सार्दीखोलामा रहेको स्वास्थ्य चौकीलाई स्वास्थ्य सामग्री प्रदान गरेको छ ।

नेलम्बो नेपालका जनसम्र्पक अधिकृत भीम प्रसाद भण्डारीले पोखरा महानगर पालिका वडा नं. १८ का वडा अध्यक्ष रण बहादुर थापालाई स्वास्थ्य सामग्री हस्तान्तरण गरेका हुन् । उक्त कार्यक्रममा धन्यवाद दिदै वडा अध्यक्ष थापाले नेलम्बो नेपाल यो महामारीमा मात्र नभई विगत वर्ष देखि नै वडा कार्यालय भित्र स्वास्थ्य सम्बन्धी विभिन्न क्रियाकलापहरु सञ्चालन गर्दै आई रहेको बताए ।

कोभिड १९ को महामारीमा यी उपलब्ध स्वास्थ्य सामग्रीहरुले वडा कार्यालय, स्वास्थ्य चौकी तथा विद्यालयहरुमा सर्तकता अपनाई दैनिक कार्य सञ्चालन गर्नमा महत्वपूर्ण भूमिका खेल्ने उल्लेख गरे । उनले नेलम्बो नेपालप्रति आभार प्रकट गरे । नेलम्बो नेपालको हरेक सहयोग गुणस्तरीय र विश्वसनीय रहेको पनि उनले बताए ।

पोखरा १८ सरांकोटलाई पिपिइ, सेनिटाइजर, डिस्पोजिवल माक्स, केएन ९५ माक्स, डिस्पोजिवल पन्जा, हात धुने साबुन, हेण्ड फ्रि सेनिटाइजर स्ट्याड, फेस सिल्ड, थर्मल गन, डिउरासेल ब्याट्री लगायतका करिब ७४ हजार रुपैया बराबरको स्वास्थ्य सुरक्षाका सामग्री प्रदान गरिएको थियो ।
त्यस्तै गरी मंगलबार नै माछापुच्छ्रे गाउँपालिकाको वडा नं. २ सार्दीखोला स्वास्थ्य चौकीलाई पनि नेलम्बो नेपालले स्वास्थ्य सुरक्षाका सामग्रीहरु प्रदान गरेको छ । पिपिइ, सेनिटाइजर, डिस्पोजिवल माक्स, केएन ९५ माक्स, डिस्पोजिवल पन्जा, हात धुने साबुन, हेण्ड फ्रि सेनिटाइजर स्ट्याड, फेस सिल्ड र हेड कभर गरी करिब ३४ हजार ५०० रुपैयाँ बराबरको स्वास्थ्य सुरक्षका साग्रीहरु नेलम्बो नेपालका अध्यक्ष एकदेव देवकोटाले माछापुच्छ्रे २ का वडा अध्यक्ष विक्रम गुरुङलाई हस्तान्तरण गरेका हुन् ।

उक्त हस्तान्तरण कार्यक्रममा बोल्दै नेलम्बो नेपालका अध्यक्ष एकदेव देवकोटाले नेलम्बो नेपाल आफ्नो नियमित कार्यक्रम शिक्षा, स्वास्थ्य र वतावरण सँगै हरेक विपतिमा सहयोग गर्दै आई रहेको जानकारी दिए । हाल कोरोना भाईरस (कोभिड— १९) संक्रमण फैलिरहेको हुदाँ त्यसबाट केही सजग भई स्वास्थ्य सावधानी अपनाउँदै सुरक्षितढंगबाट काम गर्न सहयोग पुगोस भन्ने उद्देश्यले यी सामग्रीहरु हस्तान्तरण गरेको बताए ।

उनले सबै जनाले आ—आफ्नो ठाउँबाट सर्तकता अपनाएको खण्डमा कोरोना महामारीबाट बच्न सकिने उल्लेख गरे ।
कार्यक्रममा बोल्दै वडा अध्यक्ष गुरुङले नेलम्बो नेपालले विभिन्न ठाउँमा कोभिड १९ सम्बन्धी स्वास्थ्य सुरक्षाका सामग्रीहरु हस्तान्तरण गरेको कुरा सञ्चार माध्यमबाट जानकारी पाएकोमा आफ्नै वडामा आएर सहयोग गरेकोमा आभार प्रकट गरे । आगामी दिनमा पनि नेलम्बो नेपाल संस्थासगँ आफ्नो वडा सहकार्य गरेर कार्य गर्ने प्रतिबद्धता उनले व्यक्त गरे ।