पुलबाट लडेर घाइते यादवको निधन

पोखरा ।
कास्कीको अन्नपूर्ण गाउँपालिकामा जलजला खोलाको पुलबाट लडेर एकजनाको ज्यान गुमेको छ ।

भारतको अछाम घर भई पर्वतको कुस्मा बस्दै आएका ५५ बर्षीय सन्देन यादवको ज्यान गुमेको गण्डकी प्रदेश प्रहरी कार्यालय पोखराले जानकारी दिएको हो ।

प्रहरीका अनुसार बिहीबार विहान ९ बजे पुलबाट लडेका उनको पश्चिमाञ्चल क्षेत्रीय अस्पतालमा उपचारको क्रममा आइतबार ज्यान गुमेको हो ।

घटनाको विषयमा अनुसन्धान भइरहेको प्रदेश प्रहरी कार्यालय पोखराका प्रहरी नायव उपरीक्षक राजेन्द्रबाबु रेग्मीले जानकारी दिए ।