काठमाडौं ।
नेपाली कांग्रेसले क्रियाशील सदस्यको विवरण मंसिर मसान्तभित्र केन्द्रीय कार्यालय पठाउन निर्देशन दिएको छ ।
कांग्रेसले ७७ वटै जिल्ला कार्यसमितिलाई पत्राचार गरेर क्रियासिल सदस्यको विवरण पठाउन भनेको हो ।
१४ औं महाधिवेशनको मिति नजिकिएको भन्दै कांग्रेसले क्रियाशील सदस्यहरूको सूची सार्वजनिक गरी त्यसको विवरण केन्द्रमा पठाउन निर्देशन दिएको हो । कांग्रेस महाधिवेशन फागुन ७ देखि गर्ने कार्यतालिका छ ।
कोरोनाभाइरस महामारीका कारण क्रियाशील वितरण तथा नवीकरणका काम प्रभावित बनेको छ ।
कांग्रेसले क्रियाशील सदस्यता वितरण तथा नवीकरणका कामलाई तीव्रता दिन पनि तल्ला तहमा रहेका पार्टी संरचनालाई निर्देशन दिएको छ।
काँग्रेसको गत कात्तिक २८ गतेको केन्द्रीय कार्यसमितिको बैठकले गरेको निर्णयअनुसार क्रियाशील सदस्यता वितरण र नवीकरणसम्बन्धी विवरण केन्द्रमा पठाउन सबै जिल्ला सभापतिलाई मङ्सिर २ गते निर्देशन गरिएको पार्टी मुख्य सचिव कृष्णप्रसाद पौडेलले जानकारी दिए ।
कांग्रेसले अहिले भएका क्रियसिल सदस्यलाई बढाएर दोब्बर (१० लाख) बनाउदै छ ।
प्रतिक्रिया लेख्नुहोस् :