काठकाडौं ।
नेकपाका अध्यक्ष एवं प्रधानमन्त्री केपी शर्मा ओलीले पार्टीको केन्द्रीय सचिवालय बैठकको समयसँग बाझिने गरी मन्त्रिपरिषद्को आकस्मिक बैठक बोलाएका छन् ।
ओलीले बुधबार दिउँसो १ बजेको सचिवालय बैठक प्रभावित हुने गरि मन्त्रिपरिषद् बैठक बोलाएका छन् । सोही समयमा सचिवालय बैठक पूर्वनिर्धारण गरिएको थियो ।
तोकिएको सचिवालय बैठक बस्ने नबस्ने अन्योल भइरहेका बेला प्रधानमन्त्रीले मन्त्रिपरिषद् बैठक बोलाएर पछि विवाद थप पेचिलो हुने संकेत देखिएको छ ।
उता प्रचण्ड–नेपाल समूहल भने सचिवालय बैठक कुनैपनि हालतमा बस्ने तयारीमा छ । निर्धारित सचिवालय बैठकको समयमा मन्त्रिपरिषद् बैठक बोलाए पछि सचिवालय बैठक बालुवाटार बस्न नसके धुम्बाराही बस्ने नेताहरुले बताएका छन् । ।
सचिवालय बैठकलाई प्रभावित गर्ने गरि मन्त्रिपरिषद् बैठक बोलाए पछि प्रधानमन्त्रीले गम्भिर खालका निर्णय लिन सक्ने अनुमान पनि गरिएको छ ।
Discussion about this post