काठमाडौँ ।
नेपाल कम्युनिष्ट पार्टीको विवाद लम्बिदै जादाँ नेकपा अध्यक्ष एवं प्रधानमन्त्री केपी शर्मा ओलीको पछिल्लो रणनीति पनि सफल हुन सकेछ । त्यस पछि ओली प्रचण्डको चाल बुझ्न आफु निकट नेतालाई खुमलटार पठाएका छन् ।
आफुविरुद्ध मोर्चा कसेका बरिष्ठ नेता माधव नेपाल र पार्टीका उपाध्यक्ष समेत रहेका वामदेव गौतमलाई सक्ताको मोह देखाएर आफ्नो पक्षमा पार्ने प्रयास असफल भएका ओलीले सोमबार पार्टी महासचिव विष्णु पौडेललाई अर्का अध्यक्ष प्रचण्डालई भेट्न पठाएका छन् ।
पौडेलसंगको भेटमा प्रचण्डले कुनै लचकता नदेखाएपछि प्रचण्डलाई मनाउन सोमबार खुमलटार पुगेका महासचिव निराश भएर फर्के ।
विगतका विवाद धम्काउ, थर्काउने रणनीति लिएका ओलीले यसपटक पनि त्यस्तै रणनीति अबलम्बन गरेका छन् । नेकपाका एक जना स्थाई समिति सदस्यका ओलीले पार्टी विभाजनको धम्कि दिने गरेको बताउछन् ।
यसपटकको विवाद एक महिना भन्दा बढि लम्बिदा आफ्नो पक्षमा माहोल नदेखे पछि केही हच्कीएका छन् ।
प्रधानमन्त्री ओलीले दल विभाजनसम्बन्धी अध्यादेश ल्याउने तयारी गरेको ती स्थाई समिति सदस्यले बताए । तर उनको पक्षमा बहुमत हुने नदेखेपछि अध्यादेश ल्याउनबाट ओली ब्याक भएको उनी बताउछन् ।
ओलीले प्रचण्डले सचिवालय बैठकमा पेश गरेको १९ पृष्ठ लामो प्रस्ताव फिर्ता गराउन प्रचण्डालाई बाध्य पर्ने गरि दवाव दिन खोजेका छन् ।
सोमबार महासचिव विष्णु पौडेलले पनि अध्यक्ष प्रचण्डसंगको भेटमाम यही कुरालाई जोड दिएको बुझिएको छ । तर प्रचण्ड प्रस्ताव फिर्ता लिने पक्षमा नभएको उनि निकट नेता बताउछन् ।
प्रस्ताव प्रचण्डको मात्र नभएर सचिवालयका ५ सदस्यको सल्लाहमा आएकाले फिर्ता भइहाल्ने सम्भावना नरहेको पनि ती नेताले बताए ।
प्रचण्डको प्रतिवेदनमा ओलीले प्रधानमन्त्री पद छाड्नुपर्ने भन्ने आशय रहेको धेरैको बुझाई छ ।
प्रतिवेदना सरकारको खरो आलोचना गरिएकाले पनि प्रधानमन्त्रीले पद छाड्नुपर्ने प्रचण्डको अडान प्रश्ट पारेको छ ।
ओली निकट नेताहरुले प्रचण्डले जथाभावी आरोप लगाएर ल्याएको प्रस्ताव छलफल हुननसक्ने भन्दै फिर्ता गर्नुपर्ने अडान राख्दै आएका छन् ।
त्यसैले प्रचण्डले प्रस्ताव फिर्ता नगरेसम्म दुईपछि अर्थात मंसिर तीन गते निर्धारित सचिवालय बैठक हुन नदिने या त्यसमा भाग नलिने अडानमा ओली पक्षले अडिक देखिएको छ ।
प्रतिक्रिया लेख्नुहोस् :