दाङ ।
लुम्बिनी प्रदेशका मुख्यमन्त्री शंकर पोखरेलले केही लाभ पाइने आशले सरकार फेर्नतिर केही नेताहरु लागेको बताएका छन् ।
आइतबार दाङको तुलसीपुर उपमहानगरपालिका राप्ती शान्ति उद्यानमा बुद्ध मुर्ति अनावरण कार्यक्रममा बोल्दै पोखरेलले भने, नौं नौं महिनामा सरकार फेर्ने बानी परेका नेताजीहरुलाई सरकार फेर्न मन लाग्छ, सरकार फेर्दा केही पाइन्छ कि भन्ने हुन्छ ।
नेकपा स्थाई कमिटि तथा लुम्बिनी प्रदेशका इञ्चार्ज समेत रहेका पोखरेलले यतिबेला सरकार परिवर्तनको समय नरहेको बताए ।
उनले मुलुकले सरकार परिर्वतन हैन स्थाइत्व चाइएको बताए ।
वर्तमानको आवश्यकता राजनीतिक स्थायित्व र मुलुकको विकास हो, मुख्यमन्त्री पोखरेलले भने सरकार परिर्वतन गर्ने कुरा जनता र राष्ट्रको हितमा हुदैन ।
सरकारले धेरै राम्रा काम गरेको भएपनि मिडियाहरुमा नकारात्मक कुराहरुको मात्रै प्रचार हुने गरेको उनको आरोप लगाए ।
सरकारले राम्रो काम गरेकाले नेपालको कोरोना मृत्युदरमा कमी आएको पोखरेलले दावि गरे । एसियाका अन्य देश भन्दा नेपालको मृत्यु दर सबैभन्दा कम रहेका पोखरेलको तर्क थियो ।
प्रतिक्रिया लेख्नुहोस् :