काठमाडौं ।
नेपाल कम्युनिष्ट पार्टी नेकपामा प्रधानमन्त्री एवं पार्टी अध्यक्ष केपी शर्मा ओलीलाई अप्ठ्यारोमा साथ दिँदै आएका उपाध्यक्ष बामदेव गौतम पछिल्लो पटक भने टाढिएका छन् । पछिल्लो समयमा संकटमा परेका प्रधानमन्त्री ओलीले आइतबार बिहान उपाध्यक्ष बामदेव गौतमलाई अर्का अध्यक्ष प्रचण्डको एकल प्रस्ताव फिर्ताका लागि भूमिका खेल्न आग्रह गरेपनि त्यसलाई गौतमले ठाडै अस्विकार गरेका छन् ।
गौतमले ओलीलाई सामूहिक नेतृत्व प्रणाली स्वीकार गर्दै स्वेच्छाचारी प्रवृत्ति त्याग्न आग्रह गरेका थिए । ओलीले आफूलाई अफ्ठ्यारोमा साथ दिँदै आएको भन्दै पुनः एकपटक सहयोग गर्न भनेका थिए । गौतमले भने पहिला कार्यशैली सुधार गर्न सुझाएका थिए ।
त्यति मात्र होइन सामूहिक नेतृत्व प्रणाली स्वीकार गर्न नसक्ने व्यक्ति कम्युनिस्ट हुन नसक्ने भन्दै गौतम बालुवाटारबाट बाहिरिएका स्रोतले बताएको छ।
आज बिहान उपाध्यक्ष गौतमलाई प्रधानमन्त्री निवास बालुवाटारमा बोलाएरै साहयोग गर्न आग्रह गरेका थिए ।
भेटमा सचिवालय बैठकमै आफ्ना कुरा राख्न भन्दै गौतमले सरकार पार्टीको मार्गनिर्देशन, नीति र घोषणाअनुसार चलाउन भनेका थिए । “पहिला आफ्नो स्वेच्छाचारिता सच्चाउनुस् अनि मात्रै प्रस्ताव फिर्ता लिने नलिने भन्ने विषयले प्रवेश पाउँछ,” वामदेवलाई उद्धृत गर्दै उनका प्रेस सहयोगी विश्वमणि सुवेदीले भने, “भेटमा प्रधानमन्त्रीले क। वामदेवलाई मन्त्रालय रोजेर सरकारमा आउन आग्रह गर्नुभयो ।” जवाफमा गौतमले पहिला कार्यशैली सच्याएर अगाडि बढ्न आग्रह गर्दै सरकारमा जाने निर्णय बैठकबाट गराउन भने ।
प्रतिक्रिया लेख्नुहोस् :