रौतहट ।
रौतहटमा एक युवतीको गोली हानी हत्या गरिएको छ ।
माधवनारायण नगरपालिका–७ युवतीका लौकाहा टोलका अमृता कुमारीको अज्ञात समूहले गोली हानी हत्या गरेको हो ।
राम अयोध्या साहकी १८ वर्षीया छोरीको गएराति करिब ११ बजे अज्ञात समूहले घरमा सुतिरहेकी अवस्थामा गोली हानी हत्या गरेको जिल्ला प्रहरी कार्यालय रौतहटका प्रवक्ता प्रहरी नायब उपरिक्षक भरत श्रेष्ठले जानकारी दिए ।
सुतिरहेको अवस्थामा अमृताको कन्चटमा गोली प्रहार गर्दा घटनास्थलमै मृत्यु भएको प्रवक्ता श्रेष्ठले बताए ।
अमृता विवाहित हुन् । उनको कसले र किन हत्या गर्यो भन्ने खुल्न नसकेकोे प्रहरीले बताएको छ । युवतीको हत्या प्रेम सम्बन्धको कारण हुनसक्ने प्रहरीको प्रारम्भिक अनुमान छ ।
गत २०७६ फागुनमा अमृताको विवाह सर्लाहीको मधुवनगोठ गाउँका रुपेश साहसँग भएको थियो ।
असारमा युवती अमृता कुमारीको सम्बन्ध विच्छेद भइसकेपछि माइती लौकाहामा बस्दै आएकी थिइन् ।
प्रतिक्रिया लेख्नुहोस् :