काठमाडौं ।
काठमाडौंको कंलकीमा कुखुरा बोक्ने गाडी रोकी राखेको ट्रकमा ठोक्किँदा ३ जनाको मृत्यु भएको छ ।
मकालु पेट्रोल पम्प अगाडि बिहीबार बिहान पार्किङ गरी राखेको बा ३ ख ७५३० नम्बरको ट्रकमा सितापाईलातर्फ जाँदै गरेको बा ५ ख ८८६५ नं को कुखुरा बोक्ने गाडी ठोकिदा कुखुरा बोक्ने गाडीमा सवार तीन जनाको मृत्यु भएको हो । एक जना घाइते छन् ।
घाइते ४ जना मध्ये ३ जनाको मृत्यु भएको र १ जना घाइते भएको जानकारी दिए ।
उक्त गाडीमा सवार ४ जना दुर्घटनमा परे पछि कलंकीस्थित सहिद अस्पतालमा उपचारको लागि लगिएकोमा ३ जना उपचारको क्रममा मृत्यु भएका महानगरीय प्रहरी वृत्त कालिमाटीका प्रमुख प्रहरी नायब उपरिक्षक अपिलराज बोहोराले जानकारी दिए ।
मृत्यु हुनेमा नुवाकोटका वर्ष २४ का रोशन तामाङ, वर्ष ३७ का माधव घिमिरे र वर्ष २७ का भुपेन्द्र तामाङ रहेको प्रहरीले जानकारी दिएको छ ।
दुर्घटनामा घाइते भएका नुवाकोटका विजय तामाङको अवस्था गम्भीर छ । सवारी चालक प्रहरी नियन्त्रणमा छन् ।
प्रतिक्रिया लेख्नुहोस् :