मन्दिरा पराजुली
पोखरा, २५ कार्तिक ।
विश्वव्यापी रुपमा फैलिएको कोभीड—१९ अहीले नेपालमा पनि व्यापकरुपमा फैलिरहेको छ । यही महामारीका कारण अहिले निकै सक्रिय जीवनशैली अपनाईरहने व्यक्तिहरु पनि घरमै बस्न बाध्य छन् । नेपाली विषयमा स्नातकोत्तर गरेकी नवीन माविकी शिक्षक टीका भन्डारी न्यौपानेलाई पनि यसको प्रभावले नछुने कुरै भएन ।
कोरोना संक्रमणको त्रास पूर्व उनको दैनिकी निकै व्यस्त थियो । उनी भन्छिन् ‘विहान ५ वजे उठेर घरको सरसफाई तथा अपार्टमेन्टमा वस्ने पर्यटकका लागी विहान नास्ता, खाना वनाउंदै लाउन्ड्रीको काम पनि गर्दै खाना खाएर ९ः३० वजे स्कुल जाने गर्थें । वेलुका ४ वजे घर फर्केपछी फेरी उही घरको काममा व्यस्त हुन्थें । मेरो दैनिकी व्यस्त भएरै वितिरहेको थियो तर , अहिले कोरोना महामारीको कारण फुर्सदीलो भएर दिनभर घर वस्नु परेको छ ।’
पोखराको लेकसाईडमा स्थाई वसोवास बसोबास गर्ने उनी शिक्षण पेशाको अलवा आफ्नै व्यावसायमा पनि उत्तिकै सक्रिय थिइन् । उनका घरमा आफैले संचालन गरेको पर्यटक अपार्टमेन्ट तथा लाउन्ड्री सर्भीस छ । विहान र वेलुका अपार्टमेन्ट र लाउन्ड्री सर्भीस समाल्दै दीउँंसो स्कुलमा पढाउन जाने उनको नियमित दैनिकी हो ।
उनका श्रीमान माधव न्यौपाने जर्मन एम्वेसीका कानुन कन्सल्टेन्ट तथा आफ्नै कानुन विषय अध्ययापन गराउने संस्था नेशनल क्रियसन एकेडेमी पोखराका संस्थापक हुन् ।
कोभीड भन्दा अगाडी न्यौपाने दम्पतिले संचालन गरेको अपर्टमेन्ट पर्टकहरुले भरिएका थिए तर, अहिले अबस्था फरक छ । वाह्य तथा आन्तरिक पर्यटकको चहलपहल नहुंदा सुनसान छ । यी दम्पत्तिले यो समयको सदुपयोग आफ्नो घरको वरपर भएको खÞाली जग्गा तथा घरको कौसी खेतिमा गरेका छन् ।
‘पहिले व्यस्त समयमा खेती गर्ने समय नपुग्ने हुँदा तरकारी किनेरै खानुपर्ने थियो । अहिले आफ्नै घरमा सवै तरकारी फलाएका छौं खासै तरकारी वजारवाट किनेर ल्याउन पर्दैन । किनेर ल्याएको विषादीयुक्त तरकारी भन्दा आफ्नै घरको अर्गानीक तरकारी खाँदा स्वास्थ्य पनि राम्रो छ र शारीरिक रुपमा आफुपनि सक्रिय हुन पाइएको छ’ टीकाले भनिन् ।
Discussion about this post